أ
أليــف : اومـن بــالكريم و طوعـه .. ونفسك انهاهـا ع الخطـا و تبوعـه
طيـــــــــــــــــــع المــــــــولى ..في امـره و نهيــه لا تخـالف قولـه
و امشـي على درب الحبيب رسوله..اللي مكانتـه بـين العـرب مرفوعـه
صــلاه و ســلام المصطفى نهدولــه .. هو واهــل بيتــه كافــة مجموعــه
ب
البـــــــــاء : بيـــــنهن .. ربي فروضه في الكتاب اعلنهن
افروضه الخمسه قيمهن و و احسنهن ..و لا تخش بكراعك اطرق ممنوعه
ومن قبــل جنحاتــه تحط ثمــنهن..جــواد الهــوى عنــه و مــت اصــروعه
ث
الثــــاء:ثمــر إن جيــت تخـــرف .. و خلــك علـى الباطل بعيد مطـرف
الصـادقه بهـا ديمـا لسـانك شـرف .. صــاحب الصـوادق كلمتـه مسـموعه
و الصادقه كل صرف الذهب تصـرف .. و هــي لــب جــوهر دينـا و فروعـه
ج
الجيـــــــــــم : جـــود بمالــــــــك .. أن ريت ناس حالتم اضعف من حالك
و عود على الكسـب الحـلال اعيالـك .. الـنفس الكريمــه بـــالحلال قنوعـه
ولا تغـفـل على ربـك بعـون صـفالك .. و لا رحمتـه تيس إن جاتـك جوعـه
ح
الحاء:حارب من عليك تعدى...وطنك ودينك دونهن تصدًّى
اللي يمسَهن بالشرَ ياجب ردَّ...نين على الخطا يندم يحث ادموعه
ما من قوي صارع وطي مو مده...و فازالضعيف بنسفته ورقوعه
خ
الخــــاء:خـــــلك فــــاطـــــن ...و قبل ظاهرك ياجب نظاف الباطن
وطن العروبه و انت فيه مواطن ...و في ارضه نميت و عشت بين ربوعه
ايدين العماله إن كان دونه حاطن...من اجله تثور و ثورتك مشروعه
د
الـــــدال: ديـر الـهـــــــــمَّه...و خليك متواضع وافي الذمه
عليش اتغطرس وانت روح ورمه...و صيور روحك م الجسد منزوعه
و اللي تطرطشه بكره يكيدك لمه...في نهار لا شروهو لا مبيوعه
ذ
الدال : ذم الناس لا تشفي به...و رافق اللي طاهر نضيف جنابه
و اكره المنحرفين و الكذابه ...و خلي علاقاتك بهم مقطوعه
لنسان يتعلم من أفكار اصحابه...ما هناك حرفخ ف اللبا مرضوعه
ر
الراء: راس الخير هي المحنه ...و اصحى إن درت خير تفسده بمنه
فرض الكرامه باكثر منه ...جميل إن كانت غرسته مزروعه
و ان صاد غيرهم لا عاد تنشد عنه...و ما عند ربك تنتسي مصنوعه
ز
الزاي : زود بالعلوم افكارك ...بيش يستفيد المستمع باخبارك
و خلك اما تحكي فهيم و دارك...و كي نقول كلمه قولها مردوعه
ميط م العلل يشرح جميع اسرارك... و ميط م العلل تافه حرام اطلوعه
س
السين : سال العارفين انشدهم ... و إن كانوا بعيد اتعب لهم و اقصدهم
اهل الصلاح يوقضك مقعدهموان ...و ان جالسوك من غفله ضلالك
جوك لمرض جهلك دواء تاجدهم ..توعي كي جية الترياق للملسوعه
ش
الشين:شوف اذنوبك ...و ان درت الخطا عالج خطاك بصوبك
و قبلن تعيب الناس شوف عيوبك...تلقى افواهق دايرات هلوعه
م العيب ضحتك و انت مشرط ثوبك ...على شخص لابس ثوب فيه ارقوعه
ص
الصاد :صون السر في مكنونك ...السر اجحده حتى على واشونك
و حتى ع اللي كونهم من كونك..العاقل يموت السر بين اضلوعه
إن شاكيتبه صاحب تضن يصونك...ملامك على نفسك إن صار اذيوعه
ض
الضاد:ضد النفس دير ضميرك ..كي كرامتك قدر كرامة غيرك
و خلي الموت ملازمه تفكيرك..الروح للمات مصيرها مدفوعه
اصحى تحرسك ذاهب بخطة سيرك إن درت صالح ما تجيك نفوعه
ط
الطاء : طال العمر و الا قصر...ليوم الرحوله في اواتك تبصر
و توب ع الخطاء لا ع الخطا تجسر...تلقى غفور و رحمته موسوعه
العاقل إن خش معا طريق مكسر...معا جرته ياجب عليه رجوعه
ظ
الضاد:ضبط النفس في مطلبها ...غنيمه ان شاخ العقل نين غلبها
و إن شاخت عليه و للهوى سيبها ...مريضه بلذعات الخطا مليوعه
نفس البنادم إن كان ماطببها ...ما بروحها تبرى و هي ميجوعه
ع
العين : ع المعاصي حود...بغير الفضيله لا بشي تعود
و على قدرما تقدر بعلم ازود...و بدينك تحصن واثقات دروعه
الرائد ابروحه كي الوطن يرود...منازل العفا فيهن يحط انجوعه
غ
الغين : غافر كل ذنب وزله ...رحيم توبته تاسع العالم كله
شرعه طريق وواسعه منحله ...تنجي المومن من اسباب ضيوعه
رح شوره و اطلب العون من الله ...يعينك بحسن عبادته و خشوعه
ف
الفاء: فاتحلك ادروب كثيره ...واجد انظاف وواجدات خطيره
تخير ودير اللي اليوم تديره...اقلاده على عنقك تجي مدلوعه
الخير صاحبه بكره يفوز تديره...و لاخر ضريع الهاويه مرتوعه
ق
القاف: قيم الدين وادَّي فرضه...و احفظ حقوق الجار و استر عرضه
بربك تلعق ياك عنك يرضى ...الل به تعلق ما يخاف وقوعه
من اجل العمار استخلفك فوق ارضه...موش لفساد و عوكره و ميوعه
ك
الكاف: كل شده تتليها راحه...و باب الفرج الصبر له مفتاحه
المومن بها يضمن أسباب نجاحه...حكمه قديمه في الكتب مطبوعه
امجرباتها قبلك عقول نصاحه...مي للتجارب جاده بدوعه
ل
اللام:لومك له يعود ندامه ...اللي تبع ابليس و خش في برامه
مسع تجيه لومة اللي لامه...عقليته بما يكره الله مشبوعه
امراكبي يراعي في الخطر قدامه...اموجه مع عكس النجاه اقلوعه
م
الميم: مي مذهوبه...و عليك بطريق الحق هي المصوبه
و الباطله إن صادرها الحق غلوبه...و مصيرها امعاه إن صارعت مصروعه
مهما الايه تنعكس مقلوبه..مالحق للباطل يسير خضوعه
ن
النون : ناصر خوك ساعة كدره ...و جلي عليه الهم و اشرح صدره
إن كانه فيه قول زايد قدره ...المومن يهم يفعل اللي في نوعه
ما ينفعن هيكل الثلب و هدره...بحمله إن ما خاطر ع المقطوعه
هـ
الهاء :همك و إنشراحك فيد ...اطلب المولى و لا تسال عبيده
بفضله تطول اللي بعيده عنك...و تقهر اللي عنده عليك دشوعه
و المسلم ان ما تما قوى العقيده...ما في صلاته فايده و ركوعه
و
الواو: وجّه لصلاح فوادك ...و ربي على الشرع الشريف اولادك
بهم تستفيده و تستفاد بلادك ...الفرد بصلاحه يصلح المجموعه
و فكر شوي إن ما كلامي صادك... و إن ريتني اخطيت الخاطيه مرجوعه
لا
لا اليف: لا ترضى لمسلم خونه...و إن قلت قول و قيبهو عهدك صونه
حتى أولدك ما منه تجيك معونه ..و هو في ضلال و بلعطه و ميوعه
و ما ينجني زيتون من زيتونه...و هي م الوطا بجدورها مقلوعه
ي
الياء: يعاقب و يرحم ربنا سبحانه...و هو احكم الحكام معظم شأنه
و هو اللي بعد تطلبه يجيك حنانه...حتى لبو معاصي رحمته مطموعه
و لكن يحاسب كل حد و إيمانه...نهارا تجي المغطيه مقشوعه
ء
الهمزه: همزت لكل حرف بنصه ...و انك اسمعت الدي حصه حصه
نقي مخايره و لاخر قصه...إن ريت صايبه في خاطيه ملطوعه
المر تدفله لكن الحلو تمصه..و اللي تمضغه يسهل عليك بلوعه
و صلوا ع اللي بالعداله وصى...و يوم بعثنا لنا عليه شفوعه
الإثنين 16 مارس - 13:32 من طرف ماريتا
